Prokurori special i Hagës, që ngriti padi ndaj Hashim Thaçit, është një amerikan i emëruar nga presidenti Donald Trump. Ai quhet Jack Smith dhe ka një eksperiencë të gjatë në fushën e drejtësisë.
Burimet thonë se ai ka intervistuar me qindra luftëtarë të UÇK gjatë kësaj kohe, teksa puna e tij mbetet shumë sekret, siç raporton BBC. Ai është diplomuar në Harvard dhe ka një tjetër zëvendës, i cili po ashtu është amerikan.
Mbrëmjen e shkuar, analisti amerikan Daniel Serwer ironizoi të dërguarin e posaçëm të SHBA, Richard Grenell, duke thënë se ai e dinte se prokurori që po ngrinte padi ndaj Thaçit është i emëruar i Trump.
“Sigurisht që kjo mban erë me faktin se amerikanët preferojnë të negociojnë me kryeministrin e Kosovës. Prokurori është një amerikan i emëruar nga administrata Trump. E vështirë të bindem që Richard Grenell nuk ishte informuar më përpara,” tha Serwer.
Edhe para disa muajsh, Serwer pati ironizuar duke thënë se është vështirë të imagjinosh se Smith nuk e di se kë do të padisë dhe kë jo.
Është e paqartë pse Smith e publikoi aktakuzën dje më 24 qershor, 3 ditë para samitit të Uashingtonit, dhe jo më 24 prill kur e kreu zyrtarisht.
Pak orë pasi doli aktakuza, Departamenti Amerikan i Shtetit përgëzoi nismën e tij dhe i siguroi mbështetje./noa/
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban